Kamara binalasa uli

March 10, 2021 by No Comments

Hindi pa rin tapos ang balasahan sa mga posisyong hawak ng ilang miyembro ng Kamara.

Kahapon bago sinuspinde ang sesyon ay inanunsiyo sa plenaryo ang pagtanggal kay Zamboanga Sibugay Rep. Wilter “Sharky” Palma II bilang deputy majority leader at siya’y itinalaga bilang vice chair ng House committee on legislative franchises.

Pinalitan niya si Anakalusugan party-list Rep. Michael Defensor.

Gayundin si Quezon City Rep. Anthony Peter Crisologo na tinanggal bilang assistant majority leader at itinalagang vice chair ng House committee on games and amusements.

Habang si Iloilo Rep. Lorenz Defensor ay itinalaga bilang deputy majority leader. Itinalaga ring assistant majority leader si Palawan Rep. Gil Acosta.

Samantala, si Duterte Youth party-list Rep. Ducielle Marie Cardema ay napiling miyembro ng House committee on appropriation. Si COOP NATCO party-list Rep. Sabiniano Canama ay napili namang miyembro ng House committee on cooperative development.(Eralyn Prado/Billy Belgas)

The post Kamara binalasa uli first appeared on Abante Tonite.