TODAS ang isang electrician nang aksidenteng mabaril sarili gamit ang shotgun sa Sitio Tagaytay, Barangay Lingat, Bantay, Ilocos Sur, Martes ng gabi.

Sa report ng Police Provincial Police Office-Region 1, kinilala ng Bantay Police Station (BPS), ang biktima na si Agapito Pula Jr, 48, ng nasabing sitio.

Ayon sa pulisya, nangyari ang insidente alas-10:04 ng gabi sa bahay ng biktima.

Sinabi ng BPS, ayon sa anak ni Pula Jr. na si Jay-Ar, umuwi ang kanyang tatay (biktima) na lasing at kinuha ang hindi lisensiyadong shotgun, na gagamitin daw nitong pang-hunting ng ibon.

Ilang minuto lang, nakarinig ng putok si Jay-Ar at nakitang nakahandusay ang ama dahil sa tama ng shotgun.

Isinugod ang biktima sa ospital ngunit dead-on-arrival na. (Allan Bergonia)

The post Electrician todas sa sariling shotgun first appeared on Abante Tonite.