NANINIWALA si 1-Pacman Party-list Rep. Michael ‘Mikee’ Romero na dagdag puwersa si Philippine Basketball Association resident import Justin Brownlee ng Ginebra bilang naturalized player sa Gilas Pilipinas para sa 19th International Basketball Fderation World Cup 2023 Asian Qualifier sixth and last window sa Pebrero sa bansa.

“Mr. Brownlee has brought enormous pride and joy to all of Pinoy basketball fans through his hardwork in the PBA. On his part and since 2018. He has been consistent with his desire to make our country his permanent home and is very much willing and able to represent the Philippines in the international basketball scene as a member of Gilas Pilipinas Men’s Basketball team,” sey ng mambabatas , na isa isponsor ng House Bill No. 825 o panukalang nagbibigay ng PH citizenship sa basketbolista.

Pumasa na nitong Miyerkoles sa unang pagbasa sa Kongreso ang panukala para maging naturalized player ng Pinoy quintet si Brownlee. Nakikipag-practice na rin sa ngayon sa Gilas training pool ang 34-year-old, American 6-foot-6 forward.

Makakasalpukan ng Nationals (5-3) ang Lebanon (7-1) sa Feb. 24 at ang Jordan sa Feb. 27 sa mga larong gaganapin sa Philippine Arena sa Bulacan. (Abante TONITE Sports)

The post Gilas Pilipinas mas aangas kay Justin Brownlee – Mikee Romero first appeared on Abante Tonite.