Humambalos ng pares ng nakakayanig na panalo si Miguel Iglupas sa boys’ top two division samantalang nakadalawang titulo rin si Jayden Ballado sa girls’ side sa PCA (Philippine Columbian Association) Juniors National Tennis Championships nitong Lunes sa PCA outdoor courts sa Plaza Dilao, Paco, Maynila.

Kapwa unranked sa kanilang mga kategorya, tinagpas ni Iglupas, 16, ang tatlong seeded rival sa kanyang age category, tampok ang 1-0 win sa finals kay No. 7 Kenzo Brodeth na nagretito sanhi ng back injury.

Pero laban sa malusog na si Mateo Rivas, dinomina ng rising star mula sa tennis-playing clan ng Iligan City ang top seed sa 6-1, 6-4 victory upang kopoin ang 18-and-under diadem sa Group I event na hatid ng Dunlop.

Maangas din si Ballado ng Muñoz, Nueva Ecija sa kanyang hambalos, sinorpresa si second seed Joy Ansay, 6-1, 2-6, 10-2, sa 14-U finals saka binambo si Chloe Mercado, 6-0, 6-2, para sungkitin din ang 16-U trophy sa binagyo nang silatan torneo na bahagi ng PPS-PEPP junior circuit ni Palawan Pawnshop president/CEO Bobby Castro.

Patungo sa pagsasalo sa Most Valuable Player honors, winasiwas ni Iglupas si No. 5 Tristan Licayan, 4-1, 4-2, sa second round 16-U play, ginimbal si No. 4 Cyril Paster, 4-1, 4-0, at si top seed Frank Dilao, 6-3, 6-0, sa semis.

Ginulantang din niya si second seed Ivan Charles Manila sa 18-U second round, at umulit kay Paster, 6-1, 6-1, sa semis, habang binulaga ni Ballado si top seed Sandra Bautista, 6-7, 6-2, 10-5, sa 14-U at sinunod sa U16 quarters si No. 3 AJ Acabo, 1-4, 4-2, 10-6.

Ang iba mga nagwagi ay sina Quezon City netter Zachary Morales at Maristella Torrecampo ng Los Baños (12-U), Imus, Cavite’s Reign Maravilla (boys’ 14-U), at La Carlota’s Alexa Milliam.

Ginitla ni second seeded Morales si No. 1 Julio Naredo, 6-4, 6-4; kinaldag ni Torrecampo si Erynne Ong, 6-0, 6-2; sinilat ni No. 2 Maravilla si top seed Licayan, 6-3, 6-2; at si second ranked Milliam ginulat si No. 1 Acabo, 6-2, 6-2, sa pagsakote sa girls’ premier title ng event na mga suportado ng ProtekTODO, PalawanPay, Unified Tennis Philippines at ng UTR (Universal Tennis Rating).

Mag-iinit pa ang matagal nang naghahanap ng mga talento sa bansa sa pagpalo ng Brookside Juniors Championships simula sa Huwebes sa Brookside Tennis Club sa Cainta, Rizal.

Hahambalos naman ang Brookside Open sa Nov. 27-Dec. 3 na may men’s singles at doubles.

At sa mga detalye, kontakin si event organizer Bobby Mangunay sa 0915 404 6464. (Ramil Cruz)

The post Miguel Iglupas, Jayden Ballado wow sa junior national netfest first appeared on Abante Tonite.