Kasabay ng pagtiyak na 100 porsyentong suportado at susundin nila ang panawagan nng Department of the Interior and Local Government (DILG), nagpahayag ng kahandaan si National Capital Region Police Office director Major General Jonnel Estomo.

Kaugnay ito sa panawagan ni DILG Secretary Benhur Abalos sa lahat ng police colonel at general na magsumite ng courtesy resignation sa gitna ng patuloy na imbestigasyon sa muling pagkabuhay ng `ninja cops’ o mga pulis na sangkot sa ilegal na droga.

Sinabi ni Estomo na nakipag-usap na siya sa mga matataas na opisyal ng NCRPO at sumang-ayon umano ang mga ito na maghain ng courtesy resignation.

“We will not force them to do so but on my part as the NCRPO director, I will support the call of the SILG. So if they also sign the courtesy resignation, then that means they support me,” pahayag ni Estomo sa ipinatawag na press briefing nitong Miyerkoles ng hapon.

“But right now, all my men, 100 percent, will sign,” dagdag nito.

Sinabi ni Estomo na suportado niya ang internal cleansing sa PNP at idineklara niyang naniniwala siya sa mabuting hangarin ni Abalos. (Betchai Julian)

The post NCRPO chief kumasa sa resign call ni Abalos first appeared on Abante Tonite.