Papalo sa P14.4 bilyon kada araw ang inaasahang gastos ng gobyerno kada araw pero ang koleksyon lamang sa buwis ay nasa P10 bilyon kaya’t kapos ng P4.4 bilyon per day.

Ito ang pahayag ni Senate Committee on Finance chairman Sonny Angara kasabay ng pagbubukas sa plenary deliberation ng 2023 national budget.

“Iyan ang patak ng metro natin kada 24 oras,” ani Angara.

“These easy to memorize numbers should be a sobering reminder that against many requests being asked of the government there are no ‘unli’ resources to fund them,” dagdag nito.

Ito aniya ang dahilan kaya ginawa ng Senado ang ‘smart budgeting’.

Umusad na sa plenaryo ng Senado ang General Appropriations Bill (GAB) nagsasaad ng panukalang P5.268 trilyong 2023 budget na inisponsoran ni Angara. (Dindo Matining)

The post PH gastos kapos ng P4B daily – Angara first appeared on Abante Tonite.