Bagong Omicron XBB.1.5 mabagsik – Vergeire

January 6, 2023 by No Comments

Walang dapat na ikatakot ang publiko sa mga nagsusulputang bagong uri ng COVID-19 katulad ng bagong Omicron subvariant na XBB.1.5, ayon sa Department of Health (DOH).

Sa kanyang press briefing nitong Biyernes, sinabi ni DOH officer-in-charge Maria Rosario Vergeire na sa ngayon ay ligtas pa ang bansa sa XBB.1.5.

Pero kahit na ano pa man aniyang COVID-19 variant ang makapasok sa bansa kung marunong ang mga tao na protektahan ang kanilang sarili laban sa virus ay walang dapat na ipangamba sa pagkalat nito.

“For whatever variants that will come in the country, as long as our people know how to protect themselves through vaccination and through the compliance to the minimum public health standards, we need not worry. And as long as our healthcare system is ready and it is manageable, okay po tayo,” sabi ni Vergeire.

Gayunman, kailangan pa rin aniyang maging mapagmatyag at alerto ang mga tao dahil ang bagong Omicron subvariant na XBB.1.5 ang dahilan ng pagsirit umano ngayon ng COVID-19 infection sa Estados Unidos.

“In the US, during the first week of December, they were only able to detect around four percent of their cases na meron nitong XBB.1.5. But during the last week of December, ang kanilang XBB.1.5 already comprises 40 percent of their infection, so nakikita natin how transmissible this variant is,” ani Vergeire.

The post Bagong Omicron XBB.1.5 mabagsik – Vergeire first appeared on Abante Tonite.