Nanawagan ang isang advocacy group sa Department of Trade and Industry (DTI) na imbestigahan ang reklamo ng mga konsyumer laban sa atrasadong delivery ng e-commerce platform na Shopee.

Ayon kay Digital Pinoys national campaigner Ronald Gustilo, ang ibang mga kustomer ng Shopee ay naghihintay pa hanggang ngayon para sa mga binili nila noon pang 12.12 sale.

“The DTI should look into this as it is causing great deal of inconvenience for customers, the sellers in their platform and the delivery riders. There are already numerous complaints and it is high time to act on it,” sabi ni Gustilo.

Problemado rin ang mga seller sa mga nawawala umanong item na nasa pangangalaga na dapat ng Shopee na dinideliber sa mga kustomer dahil sinisingil sila pero nawawala naman ang kanilang binebenta na item o sinasauli ito sa kanila.

“Grabe 5% na pala commission fee ni shopee tapos may transaction charge pa,” sabi sa Twitter ni woobinbear fan account for jooheon@jooheoney17.

Ayon kay Gustilo, nawawalan na nga ng benta ang mga seller, sinisingil pa sila ng iba’t ibang charges samantalang kasalanan naman ito ng platform kaya dapat ang Shopee ang sumalo ng mga dagdag na gastos.

“Shopee should pay for all charges incurred by the sellers with undelivered parcels due to its inefficiency. It is unfair to make the sellers shoulder the return delivery fee after Shopee messed up big time. Even the packaging cost should be refunded by Shopee. They should also issue refunds immediately for all affected customers with paid parcels, no ifs and buts and no condition,” ani Gustilo. (Eileen Mencias)

The post Mga buyer, seller umangal sa atrasadong Shopee delivery first appeared on Abante Tonite.